Автокөлік козғалтқышының теориясы мен құрылысы. Оқу құралы.

Оқу құралы кәсіптік білім беретін оқу орындарының «Автокөлікке техникалық қызмет көрсету және жөндеу» мамандығының оқу бағдарламасына сай құрастырылған.
Жұмыс үш тарауға бөлінген. Бірінші тарауда термодинамикалық процестер туралы түсінік, термодинамика заңдарының анықтамалары, аналитикалық жазылуы және идеалды газ үшін негізгі бес процесі қарастырылады. Гидравлика заңдылықтары сорғыларды жобалау барысында кеңінен қолданылатыны осы тарауда көрсетілген.
Екінші тарауда автокөлік қозғалтқышының теориясы мен құрылмасы, көп цилиндрлі қозғалтқыштар туралы мәліметтер, циклдің баға беру параметрлері, қозғалтқышта нақты процестердің өту ерекшеліктері жан-жақты қаралады. Нақты циклдің индикаторлық және тиімді көрсеткіштеріне анықтамалар және соларды табу жолдары оқушыларға түсінікті тілмен жазылған.
Үшінші тарауда қозғалтқыштардың механизмдері мен жүйелерінің жұмыс істеу принциптері және олардың сұлбалары, поршеньді іштен жану қозғалтқышының даму жолдары туралы мәліметтер беріледі.
Оқу құралы осы мамандықты игеруші студенттер мен оқушыларға арналған.