Рапунцель

Серия "Ертегілер елінде".
Ағайынды Гриммдер ертегісінің желісі бойынша.
Ертеде саудагер жігіт болыпты. Жігіт үйленіп, әйелі бала көтеріпті. Жігіттің үйінің терезесінен биік дуалмен қоршалған көрші бақтың ауласы анық көрінетін. Көздің жауын алатын алуан түрлі гүлдер мен өсімдіктер өсетін бұл бақша Гетель есімді залым сиқыршы әйелдікі болатын. Әлемде оның қатыгездігіне қарсы тұрар ешкім жоқ еді.
Бір күні әйел терезеден қарап тұрып, қаулап өскен рапунцельге көзі түседі. Сол сәттен бастап әйел рапунцельге жерік болады. Жерік асын жемеген соң, еш нәрсеге тәбеті тартпай, күннен-күнге бет-аузы қуарып, арықтап кетеді.