Күл-қыз (Золушка)

Серия "Ертегілер елінде".
Ш.Перро ертегісінің желісі бойынша.
Баяғы заманда бір кісінің әйелі ерте дүниеден қайтып, екінші рет үйленіпті. Оның қайтыс болған әйелінен бір қызы бар екен. Қыздың өгей шешесі өте қатыгез адам еді. Оның өзімен еріп келген дөрекі екі қызы бар болатын.
Өгей шеше келген күннен бастап, өз қыздарын аялап, өгей қызына қатал болады. Ылғи қиын және лас жұмыстар беріп, күн көрсетпейді. Қыздың сәл отырып тынығуына да уақыт болмайды. Кейде қатты шаршаған ол, пештің күлін шығарып жатып, күлдің үстіне отыра кетуші еді. Осыны үнемі көріп жүрген өгей әпкелері оны мазақтап "Күл-қыз" деп атап кетеді.